ممكن ده يكون سبب لده او ده يكون سبب لده ، يعني كلمة التهابات ممكن هي اللي تكون السبب وتؤدي الى الخشونة. والعكس ممكن الخشونة هي السبب وادت الى التهابات
يعني ايه بقى الفزورة ده ؟ يعني يا فندم احنا عندنا في نوع من الالتهابات الروماتيزمية زي الروماتويد و الزئبة الحمرا والتيبس المفصلي أو التهابات مناعية زي الصدفية، كل الالتهابات ده ممكن تؤدي الى خشونة، لان تلك الالتهابات بتصيب اجزاء كثيرة من الجسم زي الأوتار و الاربطة و السطح الغضروفي المبطن للمفصل فيؤدي لو ما اتعالجش بشكل صحيح ذلك الالتهاب الروماتيزمي الى تآكل الطبقة الغضروفية المبطنة لسطح المفصل وبالتالي تؤدي الى خشونة المفصل
طب ممكن الخشونة بقى هي تكون السبب وادت الى التهابات؟
بالطبع اه فالخشونة ممكن تحصل بشكل اولي يعني مفيش سبب الا التقدم مع السن وذلك النوع الذي يحدث مع التقدم في العمر والتاكل اللي بيحدث للطبقة الغضروفية المبطنة لسطح المفصل زي خشونة الركبة والركبة هي اكتر مفصل
عرضه للخشونة يليه مفصل الفخد.
مع حدوث الخشونة الاولية بيحدث التهاب نتيجة احتكاك العظام بعضها البعض وهنا هنلاقي ان الالتهاب سببه الخشونة اللي حصلت.
السؤال دلوقتي ايه الوقاية من الخشونة سواء كانت اولية بدون سبب او ثانوية سببها الالتهابات الروماتيزمية او المناعية؟
الاجابة هي:-
📌 اولا بالنسبه للخشونة الثانوية:- ١- لابد من العلاج الدقيق لدي استشاري روماتيزم ومناعة لعلاج الالتهابات مثل الروماتويد او ما شابه ذلك اول يكتشف عنده مثل تلك الأمراض حتى لا تحدث خشونة في المفاصل تؤدي الى تغير المفصل والالتزام بالادوية والمتابعة المقررة.
٢- في حالة حدوث كسر سطح المفصل لابد من رد سطح المفصل وتثبيته بشكل دقيق حتى لا تحدث خشونة مبكرة
٣- علاج الالتهاب الصديدي بشكل دقيق وفي أسرع وقت ممكن حتي لا يحدث تاكل لسطح المفصل
٤- علاج التقوس في سن مبكر حتى لا يحدث خشونة
ثانيا بالنسبة للخشونة الاولية:-
١- تقليل الوزن الزائد والوصول الي الوزن المثالي
٢- الحفاظ على ممارسة الرياضة علي الاقل المشي نص ساعه يوميا
٣- تجنب القرفضاء والتربيع
٤- تقليل الوقوف لفترات طويلة
٥- تقليل صعود ونزول السلم
٦- تقليل حمل اشياء ثقيلة